LEGAZPI CITY—Tulos na nagresponde an mga personahes kan Municipal Disaster Risk Reduction and Management Office Bulan sa sarong 61-anyos na lolo makalihis na mahiling ninda ining paika-ika sa may parte kan Barangay Zone 6 sa banwaan kan Bulan, Sorsogon.
Segun ki MDRRMO BULAN Responder Heherson Bailen, sa intrevista kan Bombo Radyo Legazpi, napag-araman kan saindang mga personahes na nabangga suboot an biktima nin traysikel.
Dae man nagsapo nin malalang lugad an biktima na tulos man na tinawan nin pangenot na lunas asin dinara sa ospital.
Mientrastanto, pigtaram man kan opisyal sa publiko na kun mabalyo sa tinampo pagsiertohon na warang behikulo na nag-aagi, asin mas maray na yaon sa pedestrian lane, dugang ni Bailen na mag-ingat an gabos para maibitaran an mga siring na insidente.
