LEGAZPI CITY- Pigpapatutukan kan bagong pamayo kan Philippine Drug Enforcement Agency (PDEA) Bicol an Matnog Port sa provincia kan Sorsogon.
Segun kay PDEA V Regional Director, Ronald Allan Ricardo sa intrevista kan Bombo Radyo Legazpi na pigpapatutukan niya an nasambitang pantalan nin huli ta ini an nagigin point of entry kan mga drogang naglalaog asin naglalakop sa rehiyon.
Pigtaram kaini na kadaklan sa mga droga an hale sa mga southern part kan kinaban kun sain nagkakaigwa nin surge an mga ini asin naglalaog sa nasyon.
Muya man darahon ni Ricardo sa rehiyon Bicol an saiyang mga matatrayumpong mga kampanya kontra droga sa saiyang hinalean na mga regional offices asin laoman na suboot na matao ini nin quality service sa lambang bikolano.
Nagmamawot man ining ipadagos an dati nang programa kan nakaaging regional director na si Edgar Jubay nin huli ta magayon man an nagin epekto kan saiyang programa kontra droga sa rehiyon.
Pangapodan kaini sa mga magurang asin teenagers na ibitaran an ilegal na droga nin huli ta wara man sindang mapapala sa mga ini asin saindang ipapaotob an mga ley nganing masawata an paggamit asin paglakop kan ilegal na droga sa rehiyon.
