Mawot kan Pilipinas na mas mapahewas pa an export asin masierto an pusog na suplay kan pagkaon sa pakikipag-olay ni Agriculture Secretary Francisco Tiu Laurel Jr. sa Canada asin Brazil kasunod kan ASEAN Summit.
Obheto kaini na maipaluwas an mas dakol na produktong sakahan asin pangisdaan mantang pigmamantenir an suplay kan pig-aangkat na karne sa tahaw kan mga angat sa lokal na suplay.
Sa pakikipag olay ki Canadian Prime Minister Mark Carney, tinukar an mga oportunidad hali sa free trade agreement na sakop an manufacturing, semiconductors, asin agtikultura.
Makakatabang ini sa mas madaling paglaog kan mga produktong agrikultural kan nacion asin pagkuwa nin teknolohiya kan Canada para sa lokal na produksyon.
Nakatuon man an pakikipag olay ki Brazilian President Luiz Inácio Lula da Silva sa pagmamantenir na kalakalan asin pagpapahewas kan export.
Saro sa Brazil sa pangenot na pinagkukuwaan nin karne kan nacion asi nasasabutan suboot kan mga opisyal kaini an paramientras na 60 aldaw na paghihigot kan Pilipinas sa pig-aangat na urig ngani na makabangon an lokal na industriya.
Pinag-olayan man an posibleng pag export sa Brazil nin tabako, sira, sardinas, tuna, bangus, asin ube.
Parte ini kan agenda sa agrikultura kan ASEAN summit dapit sa food security, pataba, enerhiya, asin kalakalan para sa mga paraoma asin parasisira.
Dakulang angat ngunyan sa Pilipinas an aktwal na paglaog sa merkado, export orders, paglilipat kan teknolohiya, asin pusog na suplay.









