Nagsangat nin House Resolution No. 809 an mga representante kan Makabayan bloc sa Hababang Kapulungan kan Kongreso na nangangapudan sa gobyerno kan Pilipinas na magbalik sa International Criminal Court (ICC).
Segun sa mga mambabatas, katuyuhan kan resolusyon na maibalik an pagigin miyembro kan nasyon sa ICC ngani na mas mapakusog an accountability asin masiguro an hustisya sa mga kaso nin malalang human rights violations.
Ipigdoon kan grupo an importansya kan partisipasyon kan Pilipinas sa mga mekanismo nin pangkinabang hustisya, orog na sa mga kaso na imbuelto an crimes against humanity, genocide, asin iba pang magabat na krimen na sakop kan ICC.
Marurumduman na nagin epektibo an paghale kan Pilipinas sa ICC kan Marso 2019, makalihis na mag-file nin formal withdrawal an administrasyon kaidto kan 2018.
