LEGAZPI CITY-Nagdadara ngonian nin mahiwas na pag-uran sa nagkapirang parte kan Luzon kabali na an rehiyon kan Bicol, huli sa pagbalik kan Southwest monsoon o “hanging Habagat” makalihis an sarong semanang monsoon break.
Segun kay Christian Allen Torevillas, Masbate weather Specialist, sa intrevista kan Bombo Radyo Legazpi, an hanging habagat dara kan Low Pressure Area (LPA) na nasa 185 kilometers sa kanlurang parte kan nacion.
Magdadara an LPA nin mga paguran sa Visayas, Mindanao, asin mga nagkapirang lugar sa Luzon.
Makakadanas man an rehiyon kan Bicol nin mga pag-uran asin pagdaguldol.
Magpapaluwas man suboot nin mga thunderstorm advisory sa mga lugar kan Albay, Pioduran, Oas, Tiwi, tabaco, asin Malilipot, alagad sa masbate, nakaranas man nin mga pag-uran asin pagkidlat.
Huli sa LPA, maapektuhan kaini an Pangasinan, Zambales, asin Bataan, alagad posible man suboot an flash floods o land slides na resulta kan mga pag-uran.
Magpapauran an hanging habagat sa rehiyon kan Bicol, alagad asahan an mapanganuron na kalangitan asin thunder storms.
Dugang pa Torevillas, siring kaini na bulan, maeeksperyensya an pag-uran alagad nagpagirumdom man ini mapadapit sa pag-update sa Philippine Atmospheric Geophysical and Astronomical Services Administration (PAG-ASA).
Pigtutugon man kan opisyal na magantabay sa saindang mga social media accounts asin website para sa mga impormasyon, asin nagpagirumdom ini na pirming magdara nin payong enkasong igwang pag-uran sa lugar.
