Inihayag kan presenteng kalihim kan Department of Justice na si Sec. Jesus Crispin ‘Boying’ Remulla na piglalaomang mabalik liwat an mag-agom na Curlee asin Sarah Discaya sa kagawaran.
Saiyang ipigheras na posibleng bumisita liwat an mga ini sa DOJ katakod sa proseso kan ebalwasyon sa kahagadan na mapabale sa Witness Protection Program.
Magigirumduman na an mag-agom na Discaya personal na nagduman sa departamento manungod asin nganing ikonsiderar na kabali sa mga ‘protected witnesses’.
Alagad pigtawan doon ni Justice Secretary Remulla na wara pang syertong petsa kun nuarin maaprubahan an nasabing kahagadan.
Tinawang-duon kaini na maagi pa ini sa mahiwas na ebalwasyon asin proseso kan DOJ ngani na maseguro o madeterminaran kun kwalipikado an mag-agom na maibali sa Witness Protection Program.
