LEGAZPI CITY- Sinierto kan mga opisyales kan Barangay Villahermosa sa banwaan kan Daraga, Albay na pig-aaksyunan an mga lubak-lubak na tinampo sa barangay.
Ini makalihis na ireklamo kan nagkapirang mga residente na nagkakawsa na nin aksidente sa mga motorista an nasabing lubak na mga tinampo.
Segun ki Kagawad Mae Cerdeña sa intrevista kan Bombo Radyo Legazpi na naipaabot na man an isyu sa Department of Public Works and Highways asin naghahalat sinda nin kasimbagan.
Paliwanag kan opisyal na pigsi-semento man an nasabing tinampo alagad liwat na nararaot enkasong nakaka eksperyensya nin makukusog na mga pag-uran.
Aminado si Cerdeña maliwanag man an lugar huli sa mga street lights alagad dae maibitaran na magkaigwa nin mga aksidente urog pa kun bako pamilyar sa tinampo an mga nag-aaging motorista.
Huli digdi, nangapudan an opisyal na tulos na maaksyunan an an nasabing problema ngani na maibitaran an anuman na dae pinaglalaoman na insidente.
