Pigkokonsidera ngonian kan Office of the Ombudsman an posibilidad na isapubliko o i-livestream an nagpapadagos na ‘preliminary investigations’ kan opisina na may kinaaraman sa flood control projects anomaly cases.
Segun mismo ki Ombudsman Jesus Crispin ‘Boying’ Remulla, pig-aadalan na ini ngonian kasabay kan katuyuhan na magin bukas o transparent an opisina.
Naghahanap suboot ini nin mga paagi ngani na mas maging accessible sa publiko an prosesong piggigibo kan Office of the Ombudsman.
Kabale digi magin o pati pagsasapubliko kan mga resolusyon asin pagdangog bako sana kabale an mga sensitibong isyung may kinaaraman sa direchos kan minors o aki.
Mantang pighayag ni Ombudsman Jesus Crispin ‘Boying’ Remulla na dae na kaipuhan na isairarom sa fact-finding kan opisina an mga rekomendasyon na isinumiter kan Independent Commission for Infrastructure kasuhapon.
Sinabi niya na kasunod kan pagresibe kan rekomendasyon, isasairarom na ini sa ‘preliminary investigation’ kan panel of prosecutors.
Magigirumduman na ipigsumiter na kasuhapon kan Independent Commission for Infrastructure an pinibagong interim report sa Office of the Ombudsman dapit sa imbestigasyon sa flood control projects anomaly.
Inirerekumendang mapakasuhan sinda Sen. Joel Villanueva, Sen. Jinggoy Estrada, former DPWH Usec. Roberto Bernardo, former Congressman Zaldy Co, asin iba pa.
