LEGAZPI CITY- Nagtutubod si Senator Sherwin Gatchalian na sarong kapangganahan para sa nacion an pagkaka arestar ki dating Congressman Zaldy Co.
Sa pagbisita kan senador sa ciudad kan Legazpi, inapod pa kaini si Co bilang ‘face of corruption’ huli sa suboot mga anomalyang pinagkaka imbweltuhan.
Paliwanag ni Gatchalian na dae maipagkakaila na dakol na mga anomalya an nangyari kan si Co pa an chairman kan Appropriations Committee.
Ini urog na sa mga proyekto na may kinaaraman sa flood control projects sa nacion.
Mientras tanto, kan mahapot man sa posibilidad na liwat na ikonektar ki Co si Presidente Ferdinand Marcos Jr. sa mga anomalya, sinabi ni
Gatchalian na an ebidensya an pinaka importante na maipresentar huli ta madali an magturo nin personalidad alagad kinakaipuhan na patunayan ini kan mga ilalatag na ebidensya.
