LEGAZPI CITY- Nagtetenir na halangkaw an live weight kan karneng urig sa nagkapirang parte kan rehiyong Bicol.
Segun ki Department of Agriculture Bicol spokesperson Lovella Guarin sa intrevista kan Bombo Radyo Legazpi na an live weight sa provincia kan Camarines Sur asin Camarines Norte an nagkakawat sa P220 hasta P230 kada kilo.
Nasa P210 man hasta P230 an presyuhan kan buhay na urig sa provincia kan Albay mantang sa Catanduanes an nasa P200 hasta P230.
Sa provincia kan Masbate nasa P230 hasta P240 an kada kilo kan live weight mantang sa Sorsogon an nasa P210 hasta P230.
Segun sa opisyal na ini an rason kaya nagtetenir na halangkaw an presyuhan kan karneng urig.
Marurumduman kaya na sa nagkapirang merkado sa provincia kan Albay, nasa P360 hasta P380 man liwat an presyo kan karneng urig kaya padagos an pag-aagrangay kan mga konsumidores.
