LEGAZPI CITY–Karsel an bagsak kan limang pigkonsiderar na high-value individuals sa ikinundusir na buy-bust operation sa Purok 3, Brgy. 34-Orosite, Legazpi City.
Naarestar an mga suspek sa pangengenot kan Philippine Drug Enforcement Agency Albay Provincial Office sa pakikipagkoordinar sa Legazpi City Police Station asin PNP Regional Maritime Unit 5.
Nakumpiskar sa mga suspek an nasa labi 50.3 gramos nin pigtutubudang shabu.
Mientrastanto, mahahampang an mga nasabing indibidwal sa kasong pagbayolar sa Sections 5, 6, 7, 11, 12, asin 12 kan Republic Act 9165 o Comprehensive Dangerous Drugs Act of 2002.
