Legazpi City- Nakatalaan na magsagibo nin clearing kan mga basura na nairehistro sa cuidad kan Legazpi makalihis an obserbasyon kan Undas sa Cuidad.
Sa intrevista kan Bombo Radyo Legazpi kay Andy Marbella, an pamayo kan Legazpi CIty task force kaayusan asin kalinigan, nakipagkoordinar na sa saindang opisina an Legazpi OCENR para matabangan an saindang opisina na matanggal an basura na natipon sa mga sementeryo.
Naobserbaran man na dakulang angat an mga basura na natipon huli sa padagos pa man an clearing kan mga basura na winalat kan nakalihis na kalamidad.
Huli sa sitwasyon nailing kan opisyal an posibilidad na magkaag nin mga mabantay asin basurahan para maimantinir an kalinigan sa lugar.
Sa obserbasyon kan task force na kung ikukumparar sa nakalihis na taon ay mas diit man an nairehistrong basura sa sementeryo ngunyan.
Nangapudan man an opisyal sa lambang barangay na nakakasakop sa mga sementeryo na makipagtarabangan sa paglinis asin pagsasaayos na kumunidad.
Nakatalaan man ngunyan na aldaw magsagibo nin clearing operation an grupo kaibanan an OCENR asin dapat ay segregated an mga ini.
