LEGAZPI CITY – Preprado na an Legazpi City Public Safety Office sa pagpapa-otob nin katrangkiluhan sa tinampo pirang aldaw antes an 2025 Midterm Election.
Segun ki Legazpi City Public Safety Office head Octavio Rivero sa intrevista kan Bombo Radyo Legazpi na nagkaigwa na sinda nin mga serye nin coordination meeting sa manlain-laing ahensya siring kan Commission on Election mapadapit sa saindang deployment.
Mamanduhan ninda an mga kakalsadahan sa aldaw nin pirilian nganing mabantayan an sitwasyon kan trapiko sa ciudad.
Piglalaoman man ninda an ruso kan mga byahero partikular na an mga botante, bakasyonista asin mga bikolanong mauruli sa kaniya kaniya nindang lugar.
Pigtaram pa kan opisyal na prayoridad man kan saindang mga deployment ang mga tinampong komon na nakaka-eksperyensya nin gabat nin trapiko nganing mamantenir an bulos kan mga behikulo sa Mayo 12.
Afuera kaini, pigbabantayan man ninda an mga manlain-laing proclamation rally kan mga kandidato nganing mamantenir an pazy orden.
Pangapodan ni Rivero sa mga bisita asin botante na mapasiring sa ciudad na permihang mag-ingat huli sa mga serye nin mga vehicular accident sa Pilipinas.
