LEGAZPI CITY—Karsel an bagsak kan sarong lalaki huli sa pagbalgar sa Presidential Decree 1612 o Anti-Fencing Law sa banwaan kan Daraga, Albay.
Naarestar an suspek na si alyas “Alvin” makalihis na i-report kan sarong kapitan an sunod-sunod na insidente nin panghahabon sa saindang lugar.
Tulos ma na nagkundusir asin monitoring an personahes kan Daraga Municipal Police Station sa nasabing insidente.
Sa paagi kan tip kan sarong importante, nahanap an suspek na nagtatago sa irarom kan sarong drainage na nagserbing taguan asin pigtiponan nin mga hinabon na gamit.
Sa ikinundusir na beripikasyon, narekober digdi an sarong set nin starter asin sarong alternator na pagsadiri kan biktima na si “Jem” na residente kan nasambitang banwaan.
Napag-araman man na pirang bulan nang nag-iistar an suspek sa nasabing drainage.
Sa presente, nasa kustodiya na kan Daraga MPS an suspek para sa magkakanigong disposisyon.
