LEGAZPI CITY – Irido an sarong lalaki makalihis an nangyaring insidente nin banggaan sa sarong gasoline station sa Guinobatan, Albay sa enot na aldaw kan taong 2025.
Segun kay Fire Officer II, Izel Julie Losano an Emergency Medical Services Responder kan Bureau of Fire Protection (BFP)-Guinobatan sa intrevista kan Bombo Radyo Legazpi na nakaresibe nin apod an saindang hepatura gikan sa sarong kagawad mapadapit sa aksidenteng nangyari harani sa sarong gasoline station.
Salbado na an lugar kan aksidente nin huli ta naabutan nindang nakabantay an mga personahes kan Philippine National Police (PNP) Bicol.
Tulos man na pigtawan nin first aid kan Emergency Medical Services (EMS) team an biktima nganing mapamaray an kondisyon kan biktima.
Pigtaram ni Losano na nagsapo an biktima nin open fracture sa saiyang bitis, sa may parteng tuo asin presenteng nagpaparahay na makalihis na madara sa pinakaharaning medical facility.
Nangapodan man ini sa publiko partikular sa mga nagmamaneho na mag ingat sa tinampo nin huli ta may mga pamilya nag-aalat satuya.
