LEGAZPI CITY- Gadan an sarong lalaki makalihis na pagbabadilon kan mga armadong suspek sa laog kan sainda mismong harong sa Barangay Asid, Masbate City.
Binisto an biktima na si Robert Dela Cruz 43 anyos na residentes kan nasabing barangay.
Segun sa Masbate City police Station, nasa saindang sala an biktima kan mag-abot an duwang armadong lalaki asin duro-deretsong naglaog sa saindang harong.
Basta na sanang pinauranan nin bala kan mga suspek an biktima rason kan tulos kainingpagkagadan.
Makalihis isagibo an krimen marikas man na nagdulag paparayo an mga dae pa nabibistong suspek.
Sa ngunyan naglunsar na an mga otoridad nin imbestigasyon nganing mabisto an mga suspek asin maaraman kung ano an motibo sa krimen.
