LEGAZPI CITY-Nagresulta sa pagkaka-aresto kan sarong Lalaki sa Masbate, an ikinasang gun buy bust operation kan mga otoridad.
Nabisto an suspetchado na si alyas “Mike,” 37sanyos sain residente kan Barangay Poblacion, Dimasalang, Masbate.
Naaresto ini makalihis na magpabakal nin firearm sa sarong police poseur-buyer durante kan ikinasang operasyon.
Nakumpiskar kan mga otoridad an sarong caliber .45 pistol na igwang trademark na “Caspian” asin warang serial number; sarong magazine na loaded nin limang rounds kan live ammunition; Sarong caliber 9mm na igwang automatic machine pistol asin serial number 544762 na igwang markang“Intratec Miami FL 9MM Luger Mod. TEC-KG9,” asin equipped silencer; siring man an duwa pang magazines na warang ammunition.
Isinagibo an operasyon sa pagtatarabangan kan Police Regional Office 5 Police Intelligence Unit (PIU) katuwang an Dimasalang Municipal Police Station, Masbate Police Provincial Office, asin 502nd Maneuver Company kan Regional Mobile Force Battalion 5.
Nahahampang naman an suspetchado sa kasong pagbayolar sa Republic Act No. 10591 o Comprehensive Firearms and Ammunition Regulation Act.
Mientras tanto, dinara na an suspetchado sa Dimasalang MPS para sa magkakanigong dokumentasyon asin disposisyon.
