LEGAZPI CITY—Takdag sa kamot kan mga otoridad an Rank 2 Regional Most Wanted Person kan Bicol region sa ginibong operasyon sa Barangay Poblacion, Daram, Samar.
Binisto an akusado na si alyas “Regie”, 36-anyos, warang agom asin gikan sa Masbate City.
Pinangenotan an operasyon kan pinagsanib na pwersa kan ng RID Tracker Team, Daram Municipal Police Station kan Samar Police Provincial Office asin Legazpi City Police Station kan Albay Police Provincial Office sa bisa kan warrant of arrest hale sa Legazpi City katakod kan kasong murder kun sain warang itinakdang piyansa an hukuman para sa nasabing kaso.
Makalihis an pagkakaarestar dinara an akusado sa himpilan kan kapulisan sa Daram, Samar para sa magkakanigong dokumentasyon asin disposisyon alinsunod sa umiiral na ley asin proseso kan korte.
