LEGAZPI CITY—Nagkundusir nin checkpoint asin chokepoint an mga otoridad sa Palanas, Masbate makalihis an nangyaring engkuwentro sa pagultangan kan gobierno asin kan suboot puigtutubudang mga miyembro kan New People’s Army sa San Isidro kan nasabing lugar.
Segun ki Palanas Municipal Police Station Chief of Police Police Captain Milanie De Guzman, sa intrevista kan Bombo Radyo Legazpi, maabot sa 10 an nakaengkwentro kan Philippine Army kun sain duwa digdi an binawian nin buhay.
Narekober sa kinudusir na clearing operation an ang apat na M16 rifle, Rifle Grenade, mga magazine, bandoliers, cellphones, asin iba pang ekipahe.
Dugang kan opisyal na pasaro-saro na sana an saindang mga nairehistrong siring na engkwentro sa naunambitang lugar.
Mientrastanto, nagpapasalamat man si De Guzman sa komunidad na padagos na nagtitiwala sa mga otoridad asin ipigdoon na an kamawotan ninda an pagigin trangkilo sana kan lugar.
Mensahe man kaini sa mga nagtitinir pa sa rebeldeng grupo na magbalik-loob na sa gobierno huli sa kadakol na programa an nakalinya na makakatabang para sainda.
