Nagpahayag si Senador Panfilo “Ping” Lacson kan saiyang suporta sa anti-corruption campaign ni Department of Public Works and Highways (DPWH) Secretary Vince Dizon, sa paagi kan pagsuporta saiya nin solidong ebidensya laban sa nagkapirang kurakot na opisyales kan ahensya.
Segun ki Lacson, na enot na nagbuyagyag kan mga substandard asin ghost flood control projects sa saiyang privilege speech kan Agosto 20, an mga ebidensyang yaon sa saiya magseserbi bako sana bilang patunay kundi patanid nganing matakot an iba na gustong magsunod sa mga salang gibo.
Alagad, pigpagirumdom man kaini ki Dizon na iprayoridad an pag-ataman sa saiyang salud mantang pigtutukar an laban sa korapsyon.
Dugang na tinawan duon ni Lacson na an pag-pataw nin padusa—puon sa pagsangat nin kaso sagkod sa pagkapreso—nganing dagos nang matapos an mga iregularidad sa mga proyekto kan DPWH.
Ipinahayag man ni Lacson na tinatapos na niya an ikaduwang parte kan saiyang “Flooded Gates of Corruption” asin mataram giraray sa Setyembre 10.
Dati niyang sinabi na magkakaigwa siya nin saro pang privilege speech kun makakua siya nin dugang na ebidensya nin mga anomaliya sa mga proyekto sa flood control projects.
 Secretary Vince Dizon, by backing him with solid evidence against some corrupt officials of the agency.){kind=link}