LEGAZPI CITY- Nagpapadagos an pigigibong monitoring kan mga otoridad sa aktibidad kan bulkang Bulusan sa provincia kan Sorsogon.
Segun ki Resident volcanologist April Dominguiano sa intrevista na haros urualdaw na nakakapagrehistro nin mga volcanic earthquakes sa nasabing bulkan.
An nasabing mga pagyugo an pigkokonektar sa shallow hydrothermal activities kan bulkang Bulusan kaya nagtetenir ini sa alert level 1.
Sinabi kan opisyal na kun igwang sustaind volcanic earthquakes asin kun magkusog an mga ini na sasabayan pa kan padagos na paghuhubag kan bulkan, dae pighahali an posibilidad na itaas pa sa alert level 2.
Huli digdi, pigpapalikay man an publiko sa paglaog sa 4km radius pemanent danger zone huli sa huma kan mga volcanic hazards.
Mientras tanto, igwa man na nareresibeng mga reports an ahensya na nakakadangog nin mga tanog na pinagsususpetsaran na hali sa Bulusan volcano.
