LEGAZPI CITY-Naarestar kan mga otoridad kan Manito Municipal Police Station an sarong lalaking kaiba sa listahan kan Most Wanted Person sa banwaan kan Manito, Albay.
Basado sa report kan pulisya, binisto an akusado na si alyas “Randy,” 22-anyos, residente kan nabanggit na banwaan.
Naarestar ini sa bisa kan warrant of arrest na ipinaluwas kan Abril 14, 2026 katakod kan kasong pagbayolar sa New Anti-Carnapping Act of 2016.
Makalihis ining arestaron, ipinaaram sa suspek an saiyang mga direchos susog sa ley, asin dinara sa ospital para sa medical examination bago isairarom sa kustodiya kan Manito Municipal Police Station para sa magkakanigong disposisyon.
Padagos man na pig-eenganyar kan mga otoridad an publiko na makipagtabangan sa mga impormasyon katakod kan mga imbuelto sa kriminalidad.
