LEGAZPI CITY- Matrayumpong naarestar kan mga kapulisan an sarong construction worker na wanted sa kasong rape, sa ipigkondusir na operasyon sa Barangay Tinago, Camalig, Albay.
Basado sa impormasyon kan Albay Police Provincial Office na an 46-anyos na suspek an kaibanan sa listahan kan Municipal Most Wanted Person kan Camalig.
Naarestar an suspek na si alyas ‘Mario’ sa bisa man mandamientro de aresto na ipinaluwas kan Abril 13, 2026 katakod kan pigkakahampang kaining kaso na may kinaaraman sa panlulugos sa irarom kan Article 266-A kan Revised Penal Code.
An nasabing kaso an warang pigrerekomendar na piyansa.
Naging katabang kan mga personahe kan Camalig Municipal Police Station sa nasabing operasyon an Albay Provincial Intelligence Unit.
Sa presente, nasa kustodiya na ini kan Camalig PNP para sa magkakanigong disposisyon.
