Apat na senador pa sana an nagpipirma sa partial report kan Senate Blue Ribbon Committee dapit sa imbestigasyon sa anomalya sa flood control projects.
Segun ki Senator Panfilo Lacson, kaibanan niya sa mga nagpirma sinda Sen. Risa Hontiveros, Sen. Kiko Pangilinan asin Sen. Bam Aquino.
Nangangaipo kaya ini nin siyam na pira ngani na maipresentar an report sa plenaryo.
Huli digdi, inenganyar niya an nagkapirang mga senador na pag-adalan asin pirmahan na an report ngani na maipagpadagos an deliberasyon.
Sa nasabing draft report kaya, pinaglalaoman an rekomendasyon an kriminal asin administrative case kontra sa nagkapirang indibidwal kaibanan na an mga dati asin presenteng mga lehislador na konektado sa anomalya sa flood control projects.
