LEGAZPI CITY-Binasura kan Korte Suprema an isinangat na motion for reconsideration kan kampo ni Senador Ronald Dela Rosa.
Ini makalihis maghirit an kampo ni Dela Rosa na dapat obligahon si Ombudsman Jesus Crispin Remulla ipahiling asin isumiter an suboot an kapot kaini na arrest warrant gikan sa International Criminal Court laban sa Senador.
Segun sa abogado kan Senador na si Atts. Israelito Torreon, bilang sarong abogado asin opisyal kan korte, dapat na ipaliwanag ni Remulla kun nata igwa siyang kopya kan suboot warrant of arrest hale sa International Criminal Court.
Kabale sa mga pigkwestyun kan kampo, an suboot dapat pagsimbag ni Remulla iyo kun kisay na otoridad nakuwa an kopya kan nasabing mandamiento.
Marurumduman na piganunsyo ni Remulla na igwa suboot siyang kopya kan mandamiento de aresto laban sa Senador.
Si Dela Rosa an dating hepe kan PNP kan panahon ni dating Presidente Rodrigo Duterte na presenteng nakulong sa The Hague, Netherlands huli sa kasong crime against humanity poon kan saiyang kampanya kontra iligal na droga.
