LEGAZPI CITY-Ipighayag kan Department of Justice na masisierto suboot kan publiko na ire-respesto kaini an magigin desisyon kan Kataas-taasang Hukuman sa mga nakabinbin na petisyon igwang kinaaraman sa pagkakaarestar kay dating Presidente Rodrigo Duterte sa The Hague, Netherlands.
Segun kay Chief State Counsel Dennis Arvin Chan, hahalaton kan kagawaran an resolusyon na ipapaluwas kan Korte Suprema.
Paninindugan man ninda an naenot na posisyon sa oras na tuluyang mag-isyu an International Criminal Court nin ‘arrest warrant’ laban kay Sen. Bato Dela Rosa.
Bago pa man suboot magsagibo nin aksyon mapadapit digdi, hahalaton suboot kan DOJ an desisyon kan Kataas-taasang Hukuman.
Laoman suboot kan publiko an pagigin patas kan ahensya mapadapit sa nasabing isyu.
Basado sa saindang huring impormasyon, wara pang kumpirmasyon na igwang iniluwas na ‘arrest warrant’ an International Tribunal.
Nilinaw na man mismo kan International Criminal Court na wara pa sindang pig-isyu na ‘public arrest warrant’ laban kay Sen. Bato Dela Rosa.
Algad, ipigheras kan Chief State Counsel na dai pa man liwat na nagbabago an saindang posisyon na mahalat muna sa desisyon kan Korte Suprema.
Marurumduman na kan nakalihis na taon, nagsangat an kampo, pamilya kan mga Duterte nin petisyon sa Kataas-taasang Hukuman na nagkukwestyun sa legalidad kan pagpapadara kay dating President Rodrigo Duterte pasiring sa The Hague, Netherlands.
