LEGAZPI CITY — Kinaipuhan kan Department of Education (DepEd) Bicol na eekstindir an klase kan mga eskwelahan sa Albay na naapektaran kan pag-aalburuto kan Bulkang Mayon asin iba pang kalamidad na nag-agi sa probinsiya.
Sa intrevista kan Bombo Radyo Legazpi ki DepEd Project Development Officer II – Regional Public Affairs Office Mark Kevin Arroco, kinumpirmar kan opisyal na aabuton nin hasta sa sarong semana an extension kan klase ngani suboot na makabawi sa mga aldaw na dae nakalog an mga estudyante.
Napag-araman na Abril 6 an nakatalaang pagtatapos kan school year ngunyang taon, alagad dara kan nasabing extension an pwedesir na mag-abot hasta sa Abril 10 sagkod 15 an klase sa probinsiya.
Segun kay Arroco, maski na ngani nagsagibo na nin mga mak up class an kakapuson man giraray nganing makahabol sa ipigtalaang school curriculum.
Mientras tanto, pangapudan ngunyan kan opisyal an pagsabot kan mga estudyante asin mga magurang huli ta kamawotan sana suboot kan ahensya na makapagtao nin de kalidad na pag-aadal para sa mga estudyante.
