LEGAZPI CITY- Gadan an sarong lalaki makalihis na saksakon kan sadiring ama sa Barangay Balinad sa banwaan kan Daraga.
Binisto an nagadan na biktima na si Jerix Mesa mantang pinangaranan man an suspek na si Roberto Mesa Sr., 63-anyos.
Sa intrevista kan Bombo Radyo Legazpi kay Pol. Capt. Dexter Panganiban an tagapagtaram kan Albay Police Provincial Office, pareho suboot na buyong an suspek asin bktima na hale sa magkasuway na inoman.
Alagad pag-uli kan biktima, nag-inom giraray ini nin arak rason nganing sawayon asin dagitan kan saiyang ama na ikinadagit man kan biktima.
Hasta sa badolan kan biktima sa payo an suspek gamit an sarong kahoy, alagad nagbalos man si Roberto na nagkua nin patarom asin sinaksak sa daghan an saiyang aki.
Huli digdi, tulos na nagadan an biktima na binalo pa man kuta na idalagan sa ospital alagad ideneklarar ng dead on arrival.
Mientras tanto, nasa kustodiya naman sa ngunyan kan PNP an suspek, na posibleng mahampang sa kasong Parricide.
