LEGAZPI CITY—Posibleng nakaapektar an presyo kan produktong petrolyo sa paghalangkaw man kan presyo kan pagpabakal nin karne kan hog raisers asin kan retailers sa Daraga Public Market.
Segun sa sarong paratienda nin karne na si Liezl Medalla sa intrevista kan Bombo Radyo Legazpi, posible suboot na naghalangkaw ini huli sa paghalangkaw man kan presyo kan produktong petrolyo kun sain hararayo man an lugar an saindang pinaghalian.
Pigdoon man ni Medalla na nanutaran man niya na dakulon pang tada nin karne pag-abot nin hapon sa merkado na nagpapahiling na sinda apektado kan sitwasyon.
Dugang niya na saro man sa nakapagpaluya sa bakalan ni karne sa merkado an mga tindahan sa luwasan kaini na mas barato an presyo asin dae nagsusunod sa ipigtalaang presyuhan kan karne.
Segun saiya na nagtatiyaga-tiyaga na muna siya sa presenteng kamugtakan asin mabawi na sana kun nagmamaray na an sitwasyon.
Nangapudan man si Medalla na kun may tsansa na mababaan presyo kan mga barakalon an dapat man na babaan ini nganing makabakal pa maski papano an mga ordinaryong empleyado na dae naghahalangkaw an sweldo.
