LEGAZPI CITY-Nagkasundo an Israel asin grupong Hezbollah sa sarong ceasefire sa Lebanon kan Biyernes, susog sa sarong opisyal kan Estados Unidos.
Ini makalihis an panibagong paglala kan labanan na nagtao nin huma sa mas mahewas na orolay na pang-katoninongan Middle East.
Susog sa nasabing opisyal, na nagtaram sa kondisyon kan anonymity, nagpoon na mag-iral an ceasefire pasado alas-4:00 nin hapon sa Lebanon.
Sinabi kaini nagin importante an papel kan mga negosyador hale sa Estados Unidos asin Qatar sa pagbilog nin kasunduan, sa tabang kan Iran.
Bago an kasunduan, nagsiklab liwat an labanan sa pagultanan kan duwang kampo.
Susog sa mga report, 18 katawo an nagadan sa mga airstrike sa Lebanon mantang apat na Israeli militar man an nagadan sa mga opensibang ginibo kan Hezbollah.
Segun sa halangkaw na mambabatas kan Hezbollah, ipinaabot suboot kan Iran sa grupo na dai posibleng magpadagos an pakikipag-olay sa Estados Unidos kun warang komprehensibong tigil-putukan sa Lebanon.
Mientras tanto, dai direktang tinalakay kan tagapagtaram kan foreign ministry kan Iran an nakanselang pago-olay sa Switzerland, alagad, sinabi kaini na igwang direktang paninimbagan suboot an Estados Unidos sa mga pag-atake kan Israel sa Lebanon.
Dagdag pa kaini, nakahanda an Tehran na gibohon an gabos na kaipuhan na lakdang ngani maprotehiran an interes kan nacion.
