LEGAZPI CITY-Nagtutubod si Philippine Navy spokesperson for the West Philippine Sea (WPS) Rear Admiral Roy Vincent Trinidad na pwedisir na maulit pa an mga insidente kan banggaan hasta padagos an mga iligal asin agresibong aksiyon kan china.
Segun kay Rear Admiral Trinidad, poon kan magkaigwa nin iligal na presensiya an People’s Liberation Army Navy, nagin rason na ini kan pagkahandal asin pagpadagos kan mga iligal asin agresibong aksiyon sa lugar.
Huli digdi padagos suboot an China sa pagsasagibo nin mga iligal na aktibidad asin presensiya asin dai imposibleng mangyari giraray an insidente kung sain an nagsalpukan an Chinese Navy warship sa China Coast Guard vessel mantang pighahabol an barko kan Philippine Cost Guard na BRP Suluan harani sa Scarborough Shoal, na nasa misyon ngani maghatod nin suplay para sa mga Pilipinong parasisira.
Dagdag pa kan opisyal, bako ini an enot na pagkakataon na nakiaram an barkong pandigma kan People’s Liberation Army Navy sa panghaharass sa mga barko kan Pilipinas sa WPS.
Magigirumduman na sa nakalihis an haros 20 taon, nagsasagibo na an mga Chinese warship kan People’s Liberation Army Navy nin coercive asin agresibong mga aksiyon sa WPS.
