Pighagad kan prosecutor kan International Criminal Court (ICC) sa Pre-Trial Chamber I kan korte na ibasura ang apela kan defense team ni dating Presidente Rodrigo Duterte na ipagpalihis an ruling o desisyon sa saiyang interim release o paramientras na paglaya.
Ipigrason ni Deputy Prosecutor Mame Mandiaye Niang na an defence team mismo an nagpili kun nuarin ninda isusunad an aplikasyon para sa tulos na interim release kan dating Presidente maski na bako kumpleto an isinumiteng redacted submission kan defense.
Kun kaya dae dapat suboot tugutan na suspendihon an pag-isyu kan desisyon para sa pagpoporbar na mapunan o matugunan an submission kan defense.
Magigirumduman na dati nang naghagad an legal team kan dating Presidente na i-oktaba an desisyon sa saindang kahagadan para sa interim release sagkod na makumpleto kan depensa an gabos na kinakaipuhan na impormasyon.
Enot na nag-apela an abogado ni dating Presidente Duterte para sa saiyang interim release sa sarong dai pigpangaranan na nasyon na sinabi niyang nag-anunsyo nin “advance and principled agreement” na akoon siya.
Saro sa mga sinambit na rason sa pagtao kan interim release sa dating presidente iyo an saiyang nagluluyang salud asin advanced age mantang naghahalat kan confirmation hearing kan mga soboot crimes against humanity laban saiya na may relasyon sa mga panggagadan na soboot ginibo sa irarom kan war on drugs kan Setyembre 23 sa The Hague Netherlands.
 has asked the Pre-Trial Chamber I of the court to dismiss the appeal of the defense team of former President Rodrigo Duterte to postpone the ruling or decision on his interim release.){kind=link}