LEGAZPI CITY—Arestado an sarong high-value individual sa ikinundusir na buy-bust operation kan mga otoridad sa Libon, Albay.
Binisto an suspek na si alias “Noni”, 47-anyos, asin residente kan Polangui, Albay.
Nakumpiskar sa suspek an nasa 35 gramos na kabilogang gabat nin pigtutubudang shabu asin may street value na nasa P238,000.
Naarestar ini sa pinagsarong operatiba kan Regional Police Drug Enforcement Unit 5, Albay Provincial Intelligence Unit asin Municipal Drug Enforcement Unit kan Libon Municipal Police Station.
Sa presente nasa kustodiya na kan Libon MPS an suspek asin mahahampang sa kasong pagbalgar sa Republic Act No. 9165 o Comprehensive Dangerous Drugs Act of 2002.
