Kinumpirmar kan Department of Justice (DOJ) na nagsumiter na sinda nin kahagadan para sa Red Notice sa Interpol kontra ki Senator Ronald “Bato” dela Rosa.
Ini an parte kan legal na proseso ngani na ipaotob an arrest warrant na inisyu kan International Criminal Court (ICC) katakod kan mga kasong crimes against humanity na may kinaaraman sa sa ‘war on drugs’ campaign kan nakalihis na administrasyon.
Sinabi man kan DOJ na ipigkokunsiderar nang “fugitive from justice” si Dela Rosa asin pigsugo an ang mga law enforcement agencies siring kan Philippine National Police (PNP) asin National Bureau of Investigation (NBI) na ipaotob an pag-arestar.
Ipinaliwanag pa kan ahensya na an red notice an bako mismo warrant of arrest, kundi sarong international alert ngani na mahanap asin posibleng maarestar an sarong tawo na igwang pigkakahampang na magagabat na kaso.
Nagpatanid man an DOJ kontra sa siisay man na magbabalo na magtabang sa pagtatago kan senador.
Marurumduman na nagluwas an desisyon kan Korte Suprema na nagbabasura sa ipigsunad na petisyong temporary restraining order (TRO) kan kampo kan senador.
