LEGAZPI CITY- Naka deploy na an gabos na assets kan gobierno provincial kan Albay ngani na magtaong asistensya para sa mga naapektaran kan bagyong Kristine.
Segun ki Albay acting Governor Glenda Bongao sa intrevista kan Bombo Radyo Legazpi na nagpapadagos man an pag-repack kan mga relief goods ngani na maibarewas sa mga lokal na gobierno.
Basado sa datos, nasa 92,000 na mga pamilya sa bilog na provincia an nangangaipo nin ayuda makalihis an kalamidad.
Nagpasalamat man an gobernador sa pagtatao ni Presidente Ferdinand Marcos Jr. nin P50 million na tabang pinansyal para sa provincia kan Albay.
Paliwanag ni Bongao na mapapasiring an pondo sa quick response asin isasapinal an pagtatagama nin pondo sa lambang lokal na gobierno mantang igwa man na i-aalokar sa school divisions para sa mga nadistrosong eskwelahan.
Napag-araman na nakikipag koordinar na man an opisyal sa mga alkalde ngani na maaraman an pangangaipo ngani na marikas na maitao sa urog na madaling panahon.
