LEGAZPI CITY-Ipighayag ni Caithlin De Los Santos, an Top notcher (Rank 1) sa nakalihis na 2026 Psychometrician Licensure Examination, na mas bukas ngonian an mga jovenes asin institusyon sa orolay sa mental health.
Segun saiya, sa eksklusibong intrevista kan Bombo Radyo Legazpi na an pirmihang stigma bako mismo sa kurso kundi sa goal para sa mental health, orog na sa Pilipinas.
Sinabi niya na huli sa stigma na ini, kadakol na nangangaipo nin tabang, an dai naghahagad nin tabang huli sa takot asin isipon kan iba na sinda mahina.
Alagad tinawan doon ni De Los Santos na sa presente, padiit-diit nang nagkakaigwa nin efforts ngani malabanan ini asin magayon na nahihiling mismo sa online, orog na sa parte kan mga jovenes an orolay manungod sa mental health.
Padiit-diit na suboot na nagkakaigwa nin “public conciousness” mapadapit sa mental health asin bako na ini “outdated”.
Mas nagigin common na ngonian an pagkakaigwa nin kaaraman sa mental health asin nagkakaigwa nin suporta digdi, arog kan koneksyn sa mental health care, mental health day asin iba pang mga sistema.
