LEGAZPI CITY – Inanunsyo ni Legazpi City Mayor Noel Rosal an pagsuspendir kan office transactions kan frontline services kan headquarters kan Legazpi City PNP sa Brgy. Bitano.
Ini makalihis na duwang pulis an magpositibo sa COVID-19.
Susog sa impormasyon hali ki Mayor Rosal, mismong an Legazpi City COVID-19 Task Force an nag-abiso sa lakdang tangarig na isairarom an PNP headquarters/istasyon sa ciudad para sa disinfection asin magkakanigong health protocols.
Bukas man an limang community precincts sa pagresibe kan mga concerns.
Maabiso naman sana kun nuarin an pagpadagos kan mga servicio.
Mientras tanto, anas na naka-isolate an duwa na edad 44 asin 41-anyos na napag-aramang nagkaigwa nin close contact sa mga enot nang nagpositibo sa virus.
