Dai mapartisipar si dating Presidente Rodrigo Duterte sa paagi nin video conference sa confirmation of charges hearing na nakatalaan sa Pebrero 23 segun sa saiyang abogado na si Atty. Nicholas Kaufman.
Segun ki Kaufman, dai man suboot mahampang an dating Presidente nin boluntaryo sa paagi nin video link kan nakaagi niyang initial appearance.
Ipinahayag man kaini na sinayumahan an saindang kahagadan na ipagpalihis an enot na hearing nganing makaatender siya nin personal asin maiitaas an isyu kan legal competence kan dating Presidente.
Nagsayuma an lead counsel na magsimbag kun mahampang nin personal an dating Presidente o iwi-waive an saiyang deretsos na mag-atendir.
Basado sa abiso kan International Criminal Court (ICC), an pagdangog gigibohon poon alas 10 nin aga sagkod alas 3 nin hapon, oras sa The Hague (5 p.m. sagkod alas 10 nin banggi sa Pilipinas), sa Pre-Trial Chamber I.
Durante kan pagdangog, tatawan nin itinalaan na oras an prosekusyon, depensa, asin mga abogado kan mga biktima nganing ipresentar an saindang mga argumento.
Katuyuhan kan confirmation hearing an nganing madeterminaran kun igwa nin supisyenteng ebidensya nganing maipadagos an kaso sa Trial Chamber para sa sarong ganap na paglilitis.
Susundan pa ini nin mga hearing sa Pebrero 24, 26 asin 27.
