Denepensaran ni Iranian President Masoud Pezeshkian si Pope Leo XIV makalihis an mga insulto asin kontrobersyal na mga pahayag ni US President Donald Trump.
Tinuligsa ni Pezeshkian an pagpost kan mga patama ni Trump asin paglapastangan suboot sa relihiyon asin insulto sa dignidad kan Catholic leader.
Si Pope Leo XIV, an pinakaenot na American pope sa historya kan Simbahang Katolika, bisto sa saiyang makusog na pangapudan para sa katuninongan asin dayalogo sa tahaw kan mga tensyon sa bilog na kinaban, kabale na an sa Iran.
An saiyang mga pahayag laban sa kadahasan asin digmaan nagbusol nin matinding reaksyon gikan sa presidente kan Amerika, na nagkawsa nin mga insulto asin sarong kontrobersyal na imahe.
Nagpost pa si Trump nin AI-generated image kun saen ilinadawan niya an saiyang sadiri na garing si Jesus.
Sa ibong kan kontrobersiya, nagtetenir na nakatutok si Pope Leo XIV sa saiyang misyon nin katoninongan asin pagkasararo, mantang an suporta ni Pezeshkian an nagtao nin pambihirang pagkasararo sa pagultanan kan Iran asin kan Vatican.
