LEGAZPI CITY- Namamatian na kan mga parasirang Filipino an epekto kan presensya kan mga barkong pangsira kan China sa West Philippine Sea.
Sa intrevista kan Bombo Radyo legazpi kay Pambansang Lakas ng Kilusang Mamamalakaya ng Pilipinas (PAMALAKAYA) National President Fernando Hicap, bagsak sa 30% na sana an mga nadadakop na sira kan mga Filipino sa parte kan WPS huli ta kadaklan sa mga lamang dagat an nakukua na kan mga Chinese vessels.
Base sa pakikipagkoordinar kan grupo sa mga lokal na parasira, hali sa dating P1,000 na delihensya nasa P300 na sana an nauuli ninda sa saindang mga pamilya.
Dagdag pa suboot sa pigkakahandalan kan mga Pinoy an ipinaotob na fishing ban kan China kung kaya limitadong parte kan kadagatan na sana an pwedesir na pagdakopan nin sira.
Nahahadit an grupo na posibleng maapektaran na kan problemang ini maging an presyohan sa merkado na mamamatian man kan mga konsumidores.
Pangapudan kan grupo sa gobyerno na maggibo na nin lakdang ngani na mapahali an mga barko kan China na nasa West Philippine Sea na padagos na nagdadakop nin sira sa iligal na paagi.
