Magigin abilable sa mga area na nasa irarom kan state of calamity kan panrarapado kan bagyong kristine an mga Emergency loans kan Government Service Insurance System (GSIS).
Sinabi kan ahensya na bukas na an programa sa mga residentes kan Albay asin Naga, asin bubuksan man sa ibang lugar kun saen nagdeklara man nin state of calamity an gobyerno.
An mga miyembro na kwalipikado para sa pautang iyo an mga aktibong nagtatrabaho asin an mga on leave without pay.
Kaipuhan igwa man sinda nin net take home pay na dai mababa sa P5,000 asin nakabayad na nin premium sa laog nin dai mababa sa 6 na bulan.
Mantang an mga pensyonado man an dapat igwa nin natatadang net pension na dai mababa sa 25 porsyento kan saindang pension pagkatapos kan amortisasyon kan utang tanganing magin kwalipikado.
An mga miembros na warang existing emergency loan an pwedeng makautang nin abot P20,000, mantang an mga may existing balance man an pwedeng mag-apply nin abot P40,000.
An nasabing pautang kan ahensya igwa man nin interes na 6 porsyento kada taon asin babayadan sa laog nin tolong taon.
