LEGAZPI CITY – Dae na ikinakigkig kan sarong election watchdog an kadakol na numero na napatawan kan Commission on Elections nin show cause order.
Segun ki Kontra Daya Convenor Prof. Danilo Arao sa intrevista kan Bombo Radyo Legazpi na magayon man dapat na kun ano an rikas kan pagpapaluwas nin show cause order an dapat marikas man an disposisyon sa mga kaso bago pa mag-abot an aldaw nin Mayo 12.
Sa oras suboot na manggana asin mag-asumir sa pwesto an mga kandidatong napatunayang nambastos asin na-imbwelto sa vote buying an dae na ini mabubukod kan komisyon huli ta maipapasa na ini sa mga appropriate agency arug kan korte suprema.
Aram man dapat kan mga nagrereklamo na natatawan nin magkakanigong aksyon an saindang sumbong huli ta may nagkapirang reklamo an inabot na nin mismong aldaw kan pirilian an nagbaba pa sana nin desisyon an komisyon.
Pigtaram pa kaini na pwedesir man na duwa o tulong indibidwal an magtukaw sa parehong pwesto sa laog nin sarong termino huli sa mabantol na pagpapaluwas nin desisyon.
Mawot niya na magpili nin matinong kandidato an mga botante nganing dae sinda magsapar sa laog nin tulong taon huli sana pagpili nin salang kandidato.
Pagdoon pa ni Arao na kun hihingoahon suboot kan komisyon an pag-iimbestiga sa gabos na mga reklamo mapadapit sa mga nagbayolar sa election laws an makakayang matawan nin magkakanigong aksyon na dae nakokompromiso an due process.
