Inapod ni Education Secretary Sonny Angara na ‘game changer’ bako sana para sa disaster response kundi maging sa public education an pagpirma kan Ligtas Pinoy Centers Act, na sarong ley para sa pag-establishar nin mga evacuation centers sa gabos na mga ciudad asin banwaan sa nacion.
Ini an pinaglalaoman na magtataong kasimbagan sa haloy ng problema sa paggamit kan mga pampublikong eskwelahan bilang evacuation centers.
Sa paagi kan nasabing ley, kumpiyansa an opisyal na masmarikas an learning recovery makalihis an anuman na kalamidad.
Marurumduman na sa presente kaya, pigpapagamit kan Department of Education an mga pampublikong eskwelahan bilang evacuation centers sa laog nin nasa 15 aldaw ngani na maibitaran na maulang an pag-aadal kan mga kaakian.
Kan nakalihis na Biyernes, pinirmahan na ni Presidente Ferdinand Marcos Jr. an Ligtas Pinoy Centers Act, na magtataong mandato sa pagkrear nin permanent evacuation centers na kayang tumagal sa hasta 300 kilometers per hour na paros asin hasta magnitude 8.0 na pagyugo.
