LEGAZPI CITY-Inako ni Eileen Wang an dating alkalde kan Arcadia, California, na saro siyang palihiim na Chinese agent ngani magpakalat nin propaganda.
Inihayag niya ini sa kasong pederal saiya.
Susog sa mga imbestigador, si Wang asin an saiyang dating nobyo, nag-operar nin sarong website na igwa nin mga artikulo na inaprobaran kan gobyerno kan People’s Republic of China.
Inako ni Wang na nakaresibe siya nin mga direktiba hale sa mga opisyales kan PRC asin nagpost nin mga konteksto na dai pigsasapubliko.
An nabanggit na website nag-pose bilang sarong regular na news site alagad pano nin propaganda na nakakalusot sa komunidad.
Si Wang, na naelihir sa Arcadia City Council kan taong 2022, nagdemitir sa saiyang posisyon makalihis na magluwas an kaso.
An saiyang sentensya nakatalaan sa Oktubre 6, 2026, asin pwedisir siyang mapreso nin sagkod sa sampulong taon.
Susog sa FBI, an saiyang pagkumpisal sarong malinaw na patanid laban sa mga indibidwal na patagong nagtatrabaho para sa mga dayuhan na gobyerno ngani maimpluwensiyahan an demokrasya kan Amerika.
