LEGAZPI CITY-Kinasuhan kan British Columbia an OpenAI sa California kan Lunes, na nagsasabing an sarong mahiwasang pambabadil sa sarong eskwelahan sa probinsya, an posibleng napugulan kun nagpatanid an kumpanya sa local law enforcement na ginamit kan shooter an ChatGPT ngani planuhon an massacre.
An kasong isinangat sa San Francisco federal court, pinangaranan an OpenAI asin an CEO kaini na si Sam Altman, bilang mga akusado.
Naghahagad man ini kan mga coverage sa mga danyos ngani na masakop an kun ano an igwang gastuson sa probinsya, sa pagbawi kaini hale sa mga pag-atake kan Pebrero, pati na an sarong kasuguan na nagdidirekta kan mga pagbabago sa pagkapot kan kumpanya sa mga ChatGPT conversations, na posibleng magresulta sa kadahasan.
Siyam na katawo, kadaklan mga jovenes, an nagadan sa pambabadil sa eskwelahan kan Tumbler Ridge, British Columbia.
An shooter kaini na si Jesse Van Rootselaar an na-flag kan safety team kan kumpanya pagkatapos kan saiyang pakikipag-olay mapadapit sa gun violence sa ChatGPT, alagad dai ini naalerto ka kumpanya an mga pulis.
Nagpahayag man nin dispensa an CEO na si Altman, asin nagpromesa nin reporma alagad dai naipaotob.
Mientras tanto an nasabing eskwelahan kun sain nangyari an pambabadil an pig-demolish na asin napiritan an probinsya na simbagon an gastos sa pamalit sa eskwelahan, mental health care asin iba pang epekto kan shooting sa California.
