LEGAZPI CITY-Popoonan kan Filipina tennis star na si Alex Eala an 2026 Indian Wells tournament sa paghampang sa pamliyar niyang kalaban.
Hahampangon niya si Dayana Yastremska kan Ukraine sa round of 64 sa California sa Sabado nin pagka-aga, oras sa Pilipinas.
Si Yastremska nakaabante na sa ikaduwang round makalihis na daugon si Zhang Shuai.
Sa presente, laog na si Eala sa second round makalihis na makaresibe nin first-round bye sa WTA 1000 tournament.
Marurumduman na dinaog ni Eala an Ukrainian tennis star sa Eastbourne Open quarterfinals kan nakalihis na taon.
Piglalaoman man ni Eala na maulit an saiyang kampeonato makalihis an makuwa an titulo sa Guadalajara kan nakalihis na taon.
