Nagsakat na sa duwa an binawian nin buhay sa nagpapadagos na paglakop kan wildfire sa New Mexico sa Estados Unidos.
Segun sa mga otoridad, saro sa mga biktima an nagadan makalihis na maabutan nin kalayo an saiyang harong.
Saro man an nagadan mantang nasa laog kan saiyang kotse.
Nasa 1,400 man na mga istruktura an naabot asin nasulo kan wildfire kaiba na an nasa 500 na mga kaharongan.
Sa ngunyan nasa 8,000 na mga residentes an pina-ibakwar na muna asin inilipat sa harayo asin mas salbadong lugar.
Nagtatarabangan naman an kadakol na mga bumero hali sa mga pagtaraid na lugar ngani na mapuho an kalayo.
