LEGAZPI CITY-Magpapadagos ngonian na semana an negosasyon sa pagultanan kan Estados Unidos asin Iran sa Pakistan, sa tahaw kan pigpapaotob an port blockade.
Susog sa mga report, obheto kan pag-oolay na matukoy an nuclear program kan Iran, an nag-iiral na tigil-putukan asin an pagbubukas kan Strait of Hormuz na kritikal sa pankinabang suplay nin langis.
Nag-deploy man an U.S. kan Abril 14, 2026 nin labi sa 10,000 na mga militar, warships, asin aircraft para sa blockade, na inapod kan Tehran na “piracy.”
Nagbanta man an Iran nin pag-atake sa mga barkong nag-agi sa Strait of Hormuz.
Mientras tanto nagbaba an presyo kan langis sa $100 makalihis na magluwas an posibilidad kan pagpapadagos kan nabanggit na negosasyon.
Sa ibong kan tensyon, piglalaoman an importansya kan pag-oolay huli sa labi 20 porsiyentos kan pankinabang suplay kan langis asin gas an nag-aagi sa Strait of Hormuz.
Pigkakahaditan man na maapektaran an International Monetary Fund (IMF) asin an pankinabang ekonomiya kun magpapadagos pa an gera.
