LEGAZPI CITY- Nagpagirumdom an Department of Trade and Industry Bicol sa mga manufacturers asin traders na magsunod sa naga iral na price freeze sa mga provincia na nagdeklarar na nin state of calamity.
Sakop kan nasabing price freeze an basic neccesities siring kan delata, bottled water, kape asin iba pang pangenot na mga babarakalon.
Segun ki Department of Trade and Industry Bicol Consumers Protection head Ruben Sombon sa intrevista kan Bombo Radyo Legazpi na epektibo an nasabing deklarasyo sa laog nin 60 aldaw.
Nangangahulugan ini na frozen man an presyo kan mga pangenot na babarakalon antes mag-abot an raot nin panahon.
Napag-araman na an presyuhan kan agriculture products an mahigot man na pigbabantayan kan Department of Agriculture.
Dugang pa kan opisyal na pigbabantayan man kan ahensya kun bastante an supply kan basic necessities sa bilog na rehiyong Bicol.
