Tinuyaw ni Senador Erwin Tulfo ang suboot padagos na pagbalgar kan pirang negosyante sa nag-iiral na price freeze, asin nangapudan sa Department of Trade and Industry (DTI) na magsagibo nin aktwal na inspeksyon sa mga merkado nganing masierto an proteksyon sa konsomedores.
Ipinaotob kan DTI ang price freeze hanggang Mayo 10 bilang simbag sa paghalangkaw kan presyo kan produktong petrolyo asin epekto kan tensyon sa Gitnang Silangan. Alagad segun ki Tulfo, may mga report na dae ini nasusunod, partikularmente sa saradit na tindahan asin lokal ne merkado.
Segun sa senador, an mga konsomedores naglalaom sa saradit na tindahan an pinakaapektado kan siring kaining gibo, huli sa limitado an saindang pagpipilian sa pagbakal kan pangenot na pangangaipuhan.
Dugang pa niya, bako bastante an paglaom sana sa mga report asin dokumento. Kaipuhan na maglatag an DTI kan mas aktibong presensya sa mga merkado sa paagi kan on-ground inspection.
Tinawan-doon man ni Tulfo na nawawaran nin saysay an mga programang ayuda kun dae mapupugulan an manipulasyon sa presyo kan mga barakalon.
Sa irarom kan nag-iiral na ley, an sisay man na mabalgar sa price freeze an pwedesir manimbag sa kasong administratibo, pagmumulta, asin posibleng pagkakakulong, depende sa gabat kan pagbalgar.
